الشاعر الأستاذ محمود ابراهيم السعيد

الشاعر الأستاذ محمود ابراهيم السعيد Giantup_com133218644420

الأستاذ / محمود ابراهيم السعيد

من مواليد ميت طريف عام 1961
ليسانس حقوق

نجل المرحوم الشاعر / ابراهيم السعيد عبدالله

أحد شعراء الجيل الجديد في ميت طريف

لديه الموهبة الحقيقية الواضحة في أشعاره

الشاعر الأستاذ محمود ابراهيم السعيد Giantup_com133218633426

احمد ربك
ياخى إحـمــــد ربـك لما تــنـام ....ولمـا بتـصـحَى ومـش تعـبان
غـيرك يقـضـى اللــيل ســـهران ....وانت بحـــمــد الله نعــســـان
آه يا ذراعى وداء فى مفاصلى .... وضغـط ودوخه جايّه بنهَجان
وصداع نصفى وصهد فى وشى.... ودا ألـم نـاتـج م الاســـــنان
... إيده مكسـوره وغـيره مبتـوره .... ومعـاه نشــر فى كــل مــكـان
ريمش وحاجب شعـر مافــيش .... ماتقـوليش آهــو ده سرطــان
وآلام معــده وحـُـرقَه بشــــده ….وضيقــة خُلق مـن الحـَرقـان
كلت ما كلتــش مـش مـرتـاح …. شئ فــواح زى البُركـــــــــان
احمد ربك كل شهيق ومفيش …. ضــيق طـَــب ليـــــه حـزنـان
احمد ربك كل زفيرلو بحصير…. او نافـخ كـير لازم شـُـــكران
لمّا بتمــشى وغــيرك يحــبى …. يبقى انت معاك خطـوه بفدان
إحمدربك لمّا بتبكى ولابتشكى…. غـيرك حـتى مالوهـش لسان
ولمّا بتشــبع وشـايف غيرك…. عمره فى ليله مابات شَبعـان
إما لمـرضـه ما يقـدر ياكـــل …. أو كان برضـُـه من الحرمان
ولما بتكـبر أوتتذكـرأوبتـفكر .... وف ملـكوت الله ســـَــرحان
ولمّـــا تسـافـر ولاتهــــاجـر .... وكمـان ترجـع مُـش غرقـان
اصل الغـُربه دى فعـلا تربه…. والله وفيهــا كــتير أحـــــزان
بـس الدنيــا دى أحـلـى ما..... فيهاهى الطاعه للرحمن

موضوع: عائلات ميت طريف الجمعة مارس 23, 2012 6:37 pm

الشاعر الأستاذ محمود ابراهيم السعيد Giantup_com133252491519

لوكنت نجدى ولا صاوى... كنت جوهرى أوعضيمى
.............. م البساينه أوالوصيف
من السـوالمه أوالإمام ..... والدسـايـقـه ف انسـجـام
... ............. دا التلاحم شئ ظريف
ما الزهيرى من شعبان ... ودول اهـالـينا فى دار رمضـان
................وابنهم دكتور طريف
عزالدين وابو تقى الدين..... قوره .عامر. معروفين
............. أولهم عمدة ميت طريف
لو كنت إنت ابوالعنين .....شوف جدودنا راحوا فين
............واحنا داخلين ع الخريف
لو سطوحى أو موافى ..... متولى .سقا. ولا خُولى
............. كـلنا قطعا عـفـيـف
ده شحاته جنب زُغلى ... بدراوى كنت ولا عدوى
............ حـُب زايد مش ضعـيف
من قريّب من بعيد ....والصاوى فرع من السعيد
..............اسمه فى الندهه خفيف
وف بلدنا دار بحيرى ..... طيرُه يشرب جنب طيرى
............ وأُم لولاد ميت طريف
إنده نَدّى واكتب نافع.... آهو كله واحد مافى مانع
.............. برضه فيه عبداللـطـيف
عبدالهادى كان مسالم ....عبدالقادر.عيسوى.عالم
............. ونسل يوسف ده وليف
م العمايره لابو سالم .....للخـمـيسى.حسين دا فاهم
........... ولد نعسه فيه ظريف
ابوالمرسى ف كل دار .... حماد وشلبى. دارالنجار
.................وزن الداودى مش خفيف
من العرابى لعبدالعال .... لعـبدالـدايم فـيه وصـال
..............والذكراوى ع الجريف
ابوحبيب وعبده صالح... والمشالى بشُـغلُه فالح
............ متونسين بحوان أليف
والزغابا اهل وصبابا... حاج اعلى مليان بالطيابه
............قلبُه دايما كان نظيف
م العباسى للحاج عباس ... وف بلدنا اطيب ناس
............بانى جامع فيه صفيف
م النجاره دار فضاله.... فى التجاره ملوك بقاله
............ رضوان مزّرّع مش رديف
دار شبانه ودار دياب .... دارمريوح وزيّد احباب
...............وف سكنهم دوُر لفيف
اسكندرانى وابو الفتوح....عبدالبديع جنب السطوح
.............وبن البنا كان خفيف
ابو الوفا ولاعرفات ... ابو عبدالعاطى والذكريات
.............تلقى ناس وزارعه ليّف
نعمة الله وابو سليمان ... دار خليل ودار حسان
..............بيمشوا دايما ع الرصيف
كنت عايز اقولكو إيه.....جمعه النابلسى وابو طرابيه
.................متمسكين بدين حنيف
ابن عـُمـده ولا حـَافى ...... خلّى خيرك شَـره كافى
................المهم تكون شـريف
خلّو رُوحنا تبقى واحده ..... لازمتها إيه المناهـده
............. كلنا ولاد ميت طريف

الشاعر الأستاذ محمود ابراهيم السعيد Giantup_com133252497331

» الشاعر المرحوم : الحاج ابراهيم السعيد عبدالله
» الأستاذ / ثروت ابراهيم السعيد
» الأستاذ / ثروت ابراهيم السعيد
» الأستاذ / حسام ابراهيم السعيد عبد الله
» الأستاذ / حسام السعيد ابراهيم الدسوقي